Su comunu de Sàrdara fait sciri chi de su mesi de Abrili est abertu s’Ufìtziu de lìngua e cultura sarda.

12 maggio 2022

S’operadora si agatat me in s’ufìtzius de su Comunu in Pratza Gramsci 1 e podit arriciri su mèrcuris da is oras 8.45 a is oras 13.45. Est a disponimentu de totu sa popolatzioni, is esercìtzius pùblicus, atividadis produtivas, cummertzialis, bibliotecas, iscolas, assòtzius, volontariau.

Si podit contatai po fai bortaduras (traduzioni) dae su sardu a s’italianu o a s’imbressi, po tenni cunsillus e fintzas po arrexonai in manera profetosa asuba de calisisiat chistioni.

Su traballu nostu depit arribai a totus poita  su chi boleus a fai est tenni bia sa lìngua nosta.